Utaratibu wa Kujisajili TAUSI

Posted on: July 16th, 2024

Ni hatua gani za kujisajili kwenye mfumo wa TAUSI kwa mara ya kwanza na nyaraka gani muhimu kuwa nazo?

Mtumiaji wa mfumo anapaswa kujisajili na kutengeneza akaunti yeye mwenyewe (Self service) kwenye dirisha linaloitwa Taxpayer Portal linalopatikana katika anuani ya tausi.tamisemi.go.tz. Ili mteja aweze kujisajili anatakiwa kuwa na vitu vifuatavyo:-

• Namba ya kitambulisho cha Taifa (NIN) kutoka NIDA;
• Namba ya(za) simu iliyosajiliwa kwa kutumia kitambulisho cha NIDA;
• Namba ya utambulisho wa mlipa kodi ya binafsi (Individual TIN) kutoka TRA; na
• Namba ya utambulisho wa mlipa kodi ya kampuni (Company TIN) kutoka TRA endapo ni kampuni inahitaji kupata huduma kwenye mfumo na barua ya utambulisho wa Msimamizi wa kampuni (Caretaker) ili aweze kuhusishwa na kampuni hiyo katika kupata huduma. Hii husaidia kuonyesha taarifa za umiliki wa huduma kama ni wa kampuni au binafsi.

Halikadhalika,mteja atazipata huduma hizi kwenye mfumo akiingia kama:-

Mtu binafsi - Kupitia namba ya kitambulisho cha Taifa (NIN) kama username iliyoambatana na TIN binafsi ya mlipakodi; au

Kampuni - Kupitia Msimamizi (Caretaker) aliyetambulishwa na Kampuni kufanya maombi kwa niaba ya Kampuni kupitia TIN ya kampuni aliyohusishwa nayo kwenye mfumo. Hivyo huduma zitakazoombwa kwa njia hii zitasoma/zitakuwa chini ya kampuni kuanzia ankara za malipo (Bill), umiliki na hati za malipo (Payment).

Baada ya mfanyabiashara kutengenezeza akaunti, ataweza kuingia kwenye mfumo kupitia dirisha la mlipakodi ili kuendelea kupata huduma mbalimbali zitakazotangazwa na Shirika